Gürcüstanda yanvar-aprel aylarında ixrac və idxal artıb

2022-ci ilin yanvar-aprel aylarında Gürcüstanda malların xarici ticarət dövriyyəsi (Bəyan edilməmiş ticarət istisna olmaqla) 5,252 milyard dollar təşkil edib ki, bu da bir il əvvəllə müqayisədə 33,4 faiz çoxdur.

lnterPress.ge xəbər verir ki, bu barədə Milli Statistika İdarəsindən məlumat verilib.

Məlumata əsasən, bunun 1,587 milyard dollarını ixrac (32,8 faiz çox), 3 milyard 665 milyon dollarını isə idxal (33,7 faiz çox) təşkil edib. 2022-ci ilin yanvar-aprel aylarında mənfi ticarət saldosu 2,077 milyard ABŞ dolları və xarici ticarət dövriyyəsinin 39,6 faizini təşkil edib.