Nikoloz Samxaradze: "Arestoviçin vəzifəsi Gürcüstanı müharibəyə cəlb etməkdir, onun Gürcüstanı bizdən daha çox sevdiyini düşünmürəm"
Parlamentin Xarici Əlaqələr Komitəsinin sədri Nikoloz Samxaradzenin sözlərinə görə, Aleksey Arestoviçin vəzifəsi Gürcüstanı müharibəyə cəlb etməkdir.
InterPress.ge xəbər verir ki, Nikoloz Samxaradze Ukrayna Prezidenti Aparatının rəhbərinin müşaviri Aleksey Aretoviçin “Gürcüstanın Abxaziya və Cənubi Osetiyanı ələ keçirmək üçün tarixi imkanı var, orada rus qoşunları qalmayıb, hamısını çıxarıblar" bəyanatına belə münasibət bildirib.
“Bu o deməkdir ki, Arestoviçin açıqlamaları artıq çox yorucu olub. Məncə, daha ona fikir verməməliyik. Onun vəzifəsinin nə olduğu çox aydındır. Onun vəzifəsi Gürcüstanı müharibəyə cəlb etməkdir. Biz çox yaxşı bilirik ki, Çxinvalidən və Abxaziyadan nə qədər adam çıxarılıb, orada nə qədər tank qalıb və həqiqətən də Arestoviçin göstərişinə ehtiyacımız yoxdur. Mən hesab etmirəm ki, Arestoviç Gürcüstanı bizdən daha çox sevir. Biz öz ərazi bütövlüyümüzü necə bərpa edəcəyimizi də yaxşı bilirik”, - Nikoloz Samxaradze bildirib.
