Qamğrelidze: "Düşünürəm ki, bu il ÜST pandemiyanın başa çatdığını elan edəcək"
"Düşünürəm ki, bu il ÜST pandemiyanının başa çatdığını elan edəcək, virusun dövriyyəsi əsasən mövsümi rejimə keçəcək və ilin müəyyən vaxtlarında infeksiyaya yoluxacağıq və profilaktik peyvəndlərə ehtiyacımız olacaq".
InterPress.ge xəbər verir ki, bunu Xəstəliklərə Nəzarət Mərkəzinin direktoru Amiran Qamğrelidze deyib.
Qamğrelidzenin izah etdiyinə görə, Ümumdünya Səhiyyə Təşkilatı pandemiyanın sona çatdığını elan etməkdə ehtiyatlıdır.
“Yalnız Ümumdünya Səhiyyə Təşkilatının pandemiyaya son qoyulduğunu elan etmək səlahiyyəti var. Bu məsələdən ehtiyatlanırlar, deyirlər ki, bəli, bu il ola bilər. Pandemiyanın kəskin mərhələsinin başa çatması ilə bağlı güclü söhbətlər var, lakin onlar hələ pandemiyanın bitdiyini elan etməyə tələsmirlər. Mən düşünürəm ki, bu il Ümumdünya Səhiyyə Təşkilatı pandemiyanın bitdiyini elan edəcək. Düşünürəm ki, virusun dövriyyəsi əsasən mövsümi və ya endemik olacaq, o zaman biz ilin müəyyən vaxtlarında qripə bənzər infeksiyaya yoluxacağıq və qripə qarşı profilaktik peyvəndlərə ehtiyacımız olacaq”, - deyə Qamğrelidze bildirib.
