Kvemo Kartli bölgəsində yol təmizləmə işləri aktiv şəkildə davam etdirilir

Kvemo Kartli bölgəsində yol təmizləmə işləri aktiv şəkildə davam etdirilir - güclü yağış, qar fırtınası və güclü qar səbəbindən bələdiyyələrdə son 48 saat ərzində 24 saatlıq rejimdə müvafiq işlər intensiv şəkildə aparılır.

InterPress.ge xəbər verir ki, bu barədə Marneuli Bələdiyyəsi məlumat yayıb.

Meriyanın yaydığı məlumata görə, çətin meteoroloji şəraitlə əlaqədar bölgədəki vəziyyət barədə Kvemo Kartlidəki dövlət nümayəndəsi şəxsən məlumatlandırılır.

"Qiorqi Doxturişvili regionun və yerli özünüidarəetmə orqanlarının rəhbərləri ilə birlikdə iş prosesində müəyyən edilmiş əlavə ehtiyaclara cavab vermək üçün gecə saatlarına qədər Tetritskaro bələdiyyəsində olub.

Kvemo Kartli bölgəsində yol təmizləmə işləri yenə də aktiv şəkildə davam etdirilir - güclü yağış, qar fırtınası və güclü qar səbəbindən bələdiyyələrdə son 48 saat ərzində 24 saatlıq rejimdə müvafiq işlər intensiv şəkildə aparılır - Bütün müvafiq yerlərdə xüsusi texnika səfərbər olunub.  Zəruri hallarda əhalinin gediş-gəlişi təmin edilir, yerli əhali lazımi dərman preparatları və ərzaq məhsulları ilə təmin olunur.

Dövlət Nümayəndəliyinin rayon üzrə aparatının, Avtomobil Yolları Departamentinin və yerli özünüidarəetmə orqanlarının rəhbərləri problemlərin vaxtında aradan qaldırılması istiqamətində aparılan işlərdə bilavasitə iştirak edirlər.

Mövcud vəziyyətlə əlaqədar ölkə üzrə xüsusi qaynar xətt nömrələri aktivləşdirilib ki, bu nömrələr vasitəsilə hər bir vətəndaş 24 saat fasiləsiz olaraq ona lazım olan məlumatları əldə edə biləcək.

Kvemo Kartli üzrə Dövlət Nümayəndəsinin Administrasiyası - 555 99 94 53;  593 76 00 31

Bolnisi Bələdiyyəsi - 551 13 22 13

Dmanisi Bələdiyyəsi - 599 34 24 39

Tetritskaro Bələdiyyəsi - 598 59 94 71;  591 30 40 22

Tsalka Bələdiyyəsi - 599 75 20 36

Əhalini qış mövsümünə uyğun təkərlərlə hərəkət etməyə, avtomobilləri düzgün idarə etməyə və yollarda tətbiq olunan rejimlərə əməl etməyə çağırırıq”, - deyə məlumatda bildirilir.