Onlayn alış-veriş edənlərə ŞAD XƏBƏR
Məhsulun onlayn əldə olunması üçün gömrük rəsmiləşdirilməsi limiti 700 lariyə qədər artırıla bilər.
InterPress.ge xəbər verir ki, bu barədə deputatlar Levan İoseliani və Aleko Elisaşvilinin təşəbbüskarı olduqları qanun layihəsində qeyd olunub.
Layihənin izahat kartına əsasən, qanun layihəsinin qəbul edilməsinin səbəbi poçt vasitəsilə xaricdən bağlama alanlara dəstək olmaqdır.
"Mövcud qanunvericiliyə əsasən, onlayn ticarət vasitəsilə alınan 300 laridən artıq məbləğdə pul köçürmələrinin gömrük rəsmiləşdirilməsi məcburidir və gömrük rəsmiləşdirilməsi rüsumu bağlamanın dəyərinin 18%-ni təşkil edir. Qeyd edək ki, 300 lari limiti 2009-cu ildə müəyyən edilib və o vaxtdan bəri əhalinin çoxsaylı müraciətlərinə, larinin ucuzlaşmasına və 13 il keçməsinə baxmayaraq, 300 lari limiti dəyişməyib. Onu da qeyd etmək lazımdır ki, 2009-cu ilə qədər limit 1500 lari idi. Məhz buna görə də 2015-ci ilin martında Milli Məclisə, Hökumətə və Maliyyə Nazirliyinə qarşı xüsusi petisiya yaradılıb. Müraciəti imzalayan 7 min vətəndaş mövcud 300 lari limitinin 1500 lariyə qaldırılmasını tələb edib. Həmçinin 2018-ci ildə 15 00 imza sahibi olan və vətəndaşların 300 lari limitinin 600 lariyə qaldırılmasını tələb etdiyi petisiya hazırlanıb. Onu da qeyd edək ki, əhali 300 lari limitinə görə çox vaxt Gürcüstan bazarında ümumiyyətlə əlçatan olmayan malları almaqdan imtina etməli olur. Onlar həmçinin dəyəri 300 lari və ya daha çox olan əşyanı alarkən əlavə 18% vergi öhdəliyini ödəməlidirlər ki, bu da əşyanın qiymətini xeyli bahalaşdırır”, - deyə izahat kartında deyilir.
