Səhiyyə naziri: "Biz koronavirusun pik həddini keçdik"

Pfizer peyvəndinin yeni partiyası martın sonunda Gürcüstana gələcək.

lnterPress.ge xəbər verir ki,  bu barədə Səhiyyə naziri Zurab Azaraşvili deyib. 

Zurab Azaraşvilinin hökumətin iclasında qeyd etdiyinə görə, peyvəndləmə  prosesinin gücləndirilməsi üçün aktiv kampaniya aparılır.

“Vətəndaşlarımız üçün daha əlçatan olması məqsədilə müxtəlif yerlərdə peyvəndləmə  kampaniyamız hələ də davam edir. Bunun üçün 30-a qədər müxtəlif qruplarımız müxtəlif kənd və qəsəbələrə gedir, fəal təbliğat aparır. Martın sonuna qədər yararlılıq müddəti olan peyvəndlərə gəlincə, Pfizer peyvəndlərinin yeni partiyası martın sonunda təqdim ediləcək”, - deyə Azaraşvili bildirib. 

O, ölkənin koronavirus infeksiyasının pik həddini keçdiyini bildirib.

“Biz həqiqətən zirvəni keçdik. Bu gün bizdə 1000-dən az yoluxma halı var və azalma tempi yenidən davam edəcək. Testlərin azaldılmasına gəlincə, infeksiyaların sayı azalmadığı üçün gündəlik xəstəxanaya yerləşdirilənlərin sayına da fəal nəzarət edirik”, - deyə Azaraşvili bildirib.