Qiuli Alasania: "Mixeil Saakaşvili huşunu itirdi"

Gürcüstanın üçüncü prezidentinin anası Qiuli Alasania bildirib ki, Mixeil Saakaşvili huşunu itirib.

InterPress.ge xəbər verir ki, Alasania bu barədə TV Pirveli-yə verdiyi müsahibəsində bəyan edib.

Qiuli Alasania-nın sözlərinə görə, Mixeil Saakaşvilinin vəziyyəti onu həbsxanaya aparacaqlarını dedikdən sonra pisləşib.

“Məndə olan məlumata görə, o, huşunu itirib, təzyiqi 200 olub, sonra necə yaxşılaşıb və nə baş verib, bu təfərrüatlardan xəbərim yoxdur, Nikoloz Ğipşidze ilə Otar Toidzenin içəri girməsini gözləyirəm.  

Həkimlərin içəri buraxılmamasını xoşlamıram. Düzgün formada görünmür, yəqin ki, belə vəziyyətdə görmələrini istəmirlər.

Sənədlərin hazır olduğunu və onu yenidən həbsxanaya aparacaqlarını eşidəndən sonra vəziyyəti pisləşib, onu hansı həbsxanaya aparmağa çalışdıqlarını bilmirəm. Az əvvəl hamımız Xalq Müdafiəçisi Şurasının rəyini eşitdik, o da yekdilliklə deyir ki, hələ həbsxanaya aparmaq olmaz”, - Qiuli Alasania söyləyib.