Yens Stoltenberq: "Sizi müxalifətlə işləməyə çağırıram"

“NATO Gürcüstandan son illər üzərində çox çalışdığı demokratik standartlara əməl edəcəyini gözləyir”.

InterPress.ge xəbər verir ki, bu barədə
NATO baş katibi Yens Stoltenberq Gürcüstanın baş naziri İrakli Qaribaşvili ilə görüşdən sonra keçirdiyi brifinqdə deyib.

Yens Stoltenberqin qeyd etdiyinə görə, görüşdə Gürcüstanın daxili islahatları və illik milli proqramın icrası müzakirə olunub. O, Gürcüstan hakimiyyətini müxalifətlə işləməyə və fikir ayrılıqlarını aradan qaldırmağa çağırıb.

“Bizim ədliyyə sistemində islahatlar, media azadlığı və təhlükəsizlik sektorunda hesabatlılıq üzərində işləməyə davam etməyimiz çox vacibdir. Biz həmçinin sizi siyasi fikir ayrılıqlarını həll etmək, qütbləşmə ritorikasını və hərəkətləri azaltmaq üçün müxalifətlə işləməyə çağırırıq. NATO Gürcüstandan son illər üzərində çox çalışdığı demokratik standartlara əməl edəcəyini gözləyir”, - Yens Stoltenberq bildirib.