Gürcüstanda Omikron ştamı aşkarlanıbmı? - Nazir müavini açıqlama verdi

Gürcüstanda Omikron ştamı hələ qeydə alınmayıb.

InterPress.ge xəbər verir ki, bu barədə səhiyyə nazirinin müavini Tamar Qabunia məlumat verib.

Bununla belə, o, virusun Gürcüstana keçmə riskinin olduğunu və sərhədə nəzarətin, qaydaların qorunmasının və peyvəndin vacib olduğunu bildirib.

"63-dən çox ölkədə qeydə alınıb, təbii ki, biz də aktiv monitorinqləri davam etdiririk.  Bu gün ölkədə şübhəli halı araşdırmaq və Omikron ilə məşğul olub-olmadığımızı ardıcıllıqla müəyyən etmək imkanı var. Omikron hələ təsdiqlənməyib, lakin təbii ki, onun sürətlə yayılması və miqrasiyasına görə risklər var və ona görə də sərhəd nəzarətini təkrar-təkrar gücləndirmək vacibdir ki, biz bu məlumat yayılan kimi nəzarətə başladıq. Eləcə də fərdi qoruyucu vasitələr, kovid qaydaları və vaksinasiya vacibdir.

Vaksinin qoruyucu təsiri Omikron üçün etibarlı olaraq qalır, xüsusən üçüncü - gücləndirici dozaya diqqət yetirilir.

Şübhəli hallar hələ ki, təsdiqlənməyib, bir neçə şübhəli hallar aşkarlandı, araşdırdıq və Omikron deyildi", -  deyə Qabunia söyləyib.