ABŞ səfiri Mixeil Saakaşvilinin səhhəti ilə bağlı suala cavab verdi

"Mixeil Saakaşvilinin vəziyyətinin stabil olması üçün nə lazım olduğunu tibb mütəxəssisləri daha yaxşı bilirlər".

InterPress.ge xəbər verir ki, bunu ABŞ səfiri Kelli Deqnan deyib.

Jurnalistlərin Saakaşvilinin səhhəti ilə bağlı sualına cavab olaraq səfir izah edib ki, müalicə prosesinə mütəxəssislər cəlb olunub və bu məsələ ilə bağlı danışmaq onların səlahiyyətindədir.

"Cavabı tibbi ekspertlər verir və Xalq Müdafiəçisinin yaratdığı tibbi ekspertlər qrupu da var. Burada cənab Saakaşvilinin səhhətini öyrənmək imkanına sahib olan multidissiplinar ekspertlər var, onlar Saakaşvilinin sağalması və səhhətinin sabitliyi üçün nəyin lazım olduğunu daha yaxşı bilirlər. Bu, onların səlahiyyətidir", - səfir deyib.