Kirkitadze: "Mixail Saakaşvili təhlükə altındadır"
Qldani həbsxanasında hər şey qaydasındadırsa, niyə son bir ildə 580 məhbus müxtəlif tibb müəssisələrinə köçürülüb?
InterPress.ge xəbər verir ki, bu barədə VMH partiyasından deputat David Kirkitadze qeyd edib.
Davit Kirkitadze parlamentdə 8 deputatla aclıq aksiyası keçirdiyini bildirib.
Onun sözlərinə görə, hakimiyyətin qisas motivi var və Mixail Saakaşvili təhlükə altındadır.
"Əgər Saakaşvilinin həyatı, sağlamlığı və ya psixikası hardasa təhlükə altındadırsa, buna səbəb Qldani həbsxanasıdır və bunu bilərəkdən edirlər. O, mülki klinikada daha yaxşı qorunacaq”, - Kirkitadze bildirib.
Xatırladaq ki, müxalifətdən olan deputatlar Davit Kirkitadze, Akaki Minaşvili, Temur Canaşiya, Baçuki Kardava, Nika Maçutadze, Qiorqi Qodabrelidze, Sulxan Sibaşvili, Levan Bejaşvili, Abdulla İsmayılov noyabrın 14-də parlamentdə aclıq aksiyasına başlayıblar. Bundan əvvəl 14 gündür aclıq edən “Droa”nın lideri Elene Xoştariya parlamentdə aclıq aksiyasına başlayıb. Deputatlardan başqa, partiyanın ofisində aclıq aksiyası keçirən Vahid Milli Hərəkat Partiyasının üzvü Giorgi Baramidze də aclıq aksiyası elan edib. Bütün aclıq aksiyasına qoşulanlar Mixail Saakaşvilinin mülki klinikaya köçürülməsini tələb edirlər.
