Gürcüstandan daha bir ölkəyə birbaşa müntəzəm uçuşlar bərpa edildi
Gürcüstan və İspaniya Krallığı arasında birbaşa müntəzəm uçuşlar bərpa edilib.
InterPress.ge xəbər verir ki, bu barədə Gürcüstanın Hava Limanları Birliyi məlumat yayır.
Məlumata görə, Gürcüstandan İspaniyaya birbaşa uçuş, bu mərhələdə həftədə yalnız bir dəfə yalnız Kutaisi Beynəlxalq Hava Limanından mümkündür.
“Ən əsası, Gürcüstan vətəndaşları İspaniyaya turizm məqsədilə də gedə bilərlər. Kutaisidən Barselonaya və əksinə müntəzəm birbaşa uçuşlar Avropada ən sürətlə inkişaf edən Macarıstanın aşağı büdcəli aviaşirkəti olan Wizz Air tərəfindən həyata keçirilir", - məlumatda deyilir.
Gürcüstan Hava Limanları Birliyinin təşkili ilə Kutaisi hava limanında ilk reysin bütün 170 sərnişininə simvolik hədiyyələr paylanılıb.
Yenilənmiş reysi Gürcüstan Hava Limanları Birliyinin direktoru Tamar Arçuadze və DMO İmereti-nin rəhbəri Tato Liluaşvili qarşılayıb.
İspaniyaya turizm məqsədilə iki dəfə peyvənd olunmuş istənilən Gürcüstan vətəndaşı gedə bilər və onlar sərhəddə peyvənd olunduqlarını təsdiqləyən sənədlər (QR kodu ilə kovid-19 kartı) təqdim etməlidirlər, həmçinin İspaniyaya yola düşməzdən 48 saat əvvəl www.spth.gob.es/create saytında onlayn tibbi qeydiyyat formasını doldurmaq və alınan QR kodunu sərhəddə təqdim etməlidirlər.
Qış naviqasiya mövsümündə Kutaisi Beynəlxalq Hava Limanından birbaşa müntəzəm reyslər üç şəhərə də başlayacaq: noyabrın 2-dən Berlin və Vyanaya, dekabrın 16-dan isə Əbu-Dabiyə. Gürcüstan Hava Limanları Birliyindən verilən məlumata görə, epidemioloji vəziyyət nəzərə alınmaqla yeni istiqamətlər və tezliklər yenə əlavə olunacaq.
