DİN açıqlama verdi: “Saakaşvili sərhədi keçən kimi həbs olunacaq”

"Bir daha deyirəm ki, Mixail Saakaşvili Gürcüstanın dövlət sərhədini keçməyib və Ukraynanın dövlət sərhədini tərk etməməyib. O axtarışdadır, ona hökm oxunub və dövlət sərhədini keçərsə, onu saxlayıb müvafiq cəzaçəkmə müəssisəsinə aparacağıq".

InterPress.ge xəbər verir ki, bunu daxili işlər nazirinin müavini Aleksandre Daraxvelidze deyib.

Bununla birlikdə o, Mixail Saakaşvilinin yaydığı videolara münasibət bildirmək istəməyib.

“Videolarla bağlı məsələyə münasibət bildirməyəcəyəm. Yenə deyirəm - Mixail Saakaşvili Gürcüstan sərhədini keçməyib və Ukrayna ərazisini tərk etməyib”, - Daraxvelidze bildirib.