Gürcüstanda oktyabrın 4 -dən etibarən təhsil prosesinin hansı formada bərpa ediləcəyi məlum oldu

"Ölkədəki epidemioloji vəziyyət fonunda təhsil prosesini siniflərdə bərpa etmək mümkündür".

InterPress.ge xəbər verir ki, bunu Milli Xəstəliklərə Nəzarət Mərkəzinin rəhbəri Amiran Qamğrelidze deyib.

Onun sözlərinə görə, müvafiq qaydalara riayət etmək və maska taxmaq lazımdır. Müəllimlər üçün əsas tövsiyə hələ də peyvənddir.

“Tədricən, ölkədə epidemiya vəziyyəti sabitləşməyə və sakitləşməyə doğru gedir. Bir çox rayon və bölgələrdə vəziyyət elədir ki, təhsilə davamiyyətli formada başlamaq mümkündür. Göstərdikləri böyük məsuliyyət üçün müəllimlərimizə təşəkkür edirəm. Məktəbin təhlükəsiz olması üçün ailənin özü təhlükəsiz olmalı və aşılanmalıdır”, - deyib Amira Qamğrelidze.