Qabunia: "Koronavirusun "Miu" ştammının yayılması təbii olaraq yeni risklər yaradır"

"Koronavirusun "Miu" ştammının yayılması təbii olaraq yeni risklər yaradır. Bu ştammın nə qədər tez yayılacağı barədə danışmaq hələ çox çətindir".

InterPress.ge xəbər verir ki, bunu səhiyyə nazirinin müavini Tamar Qabunia jurnalistlərlə söhbətində deyib.

Onun sözlərinə görə, "Miu" ştammı hələ Dünya Səhiyyə Təşkilatı və bütün digər nüfuzlu təşkilatlar üçün müşahidə mövzusudur və buna görə də Gürcüstan da müşahidə altındadır.

"Teorik olaraq riskləri ola bilər, başqa ştammlarla müqayisədə bunun yoxsa "Delta"nın daha yüksək olacağını demək əlbətdə ki, bu mərhələdə çətindir.  Hər kəsin dediyi şey "Miu" və digər ştammlarda peyvənd zərurətidir. Əhalinin əksəriyyəti tez bir şəkildə peyvənd olunmalıdır, ayrı -ayrı ölkələrdə və qlobal miqyasda sağ qalmağın açarı budur. Belə bir fərziyyə var ki, təbiətinə və texnoloji xüsusiyyətlərinə görə bu gün mövcud olan bütün peyvəndlər təsirlidir.  Əsas olan tez aşılanmadır. Yeni növün yayılması təbii olaraq yeni risklər yaradır. Bu ştammın nə qədər tez yayılacağı barədə danışmaq indiki məqamda çox çətindir. Əsas müdafiə, bu ştammı əhalinin əksər hissəsində güclü immunitet qatının qarşılamasıdır.  Bizim üçün aşılama tempini böyütmək və 60 yaşdan yuxarı yaş qrupunda bu nisbəti artırmaq vacibdir. Çünki yeni ştamm "Miu" və ya başqa bir şey olsa, onu maksimum müdafiə ilə qarşılamaq lazımdır, - Qabunia bildirib.