Azərbaycan, Türkiyə və Gürcüstan parlamentlərinin xarici əlaqələr komitələrinin iclası keçiriləcək

Yaxın zamanlarda Ankarada Gürcüstan, Türkiyə və Azərbaycan parlamentlərinin xarici əlaqələr üzrə komitələrinin birgə iclası keçiriləcək.

InterPress.ge xəbər verir ki, bu barədə Gürcüstan parlamentinin Xarici əlaqələr Komitəsinin sədri Nikoloz Samxaradze məlumat verib.

O, Gürcüstanın Türkiyə və Azərbaycanla strateji tərəfdaşlıq münasibətlərinin olduğunu deyib: "Bizim hökumətlər səviyyəsində yaxşı əməkdaşlığımız var. Pandemiya səbəbindən parlamentlər səviyyəsində əlaqələr intensiv olmayıb".

N.Samxaradze qeyd edib ki, yaxın günlərdə Türkiyə parlamentinin sədri Gürcüstana rəsmi səfər edəcək.(report)