Nazir müavini: "Mümkün olan hər yerdə maska taxmağa qayıtmalıyıq"

"Qapalı məkanda maska taxmaq öhdəliyi indiyə qədər verilən və Xəstəliklərə Nəzarət Mərkəzi və Səhiyyə Nazirliyi tərəfindən bir daha vurğulanan güclü bir tövsiyədir".

InterPress.ge xəbər verir ki, bunu səhiyyə nazirinin müavini Tamar Qabunia İdarələrarası Koordinasiya Şurasının iclasından sonra keçirilən brifinqdə deyib.

Onun sözlərinə görə, vətəndaşlar məsuliyyət hiss etməsə və qaydalara əməl etməsə, epidemiya vəziyyəti yaxşılaşmayacaq.

"Mümkün olan hər yerdə maska taxmağa qayıtmalıyıq. Hansı sanksiya tətbiq olunsa da, vətəndaşın özü bu qərarı verməyibsə, sanksiyalar sadəcə formal xarakter daşıyır. Standart eynidir, hamı eyni şəkildə sanksiyalara məruz qalır. Əmək Müfəttişliyi Xidməti və Daxili İşlər Nazirliyinin müvafiq işçiləri bu mövzuda birlikdə işləyirlər”, - deyə Tamar Qabunia bildirib.

Onun sözlərinə görə, bu gün Koordinasiya Şurası icra ölçüləri və monitorinqin sərtləşdirilməsini, habelə - maskanın istifadəsi ilə bağlı ciddi tövsiyələri müzakirə edib.