Baş nazir: “Atdığımız düzgün addımlar nəticəsində ölkə iqtisadiyyatı sürətlə canlanır"

“Atdığımız düzgün addımlar nəticəsində ölkə iqtisadiyyatı sürətlə canlanır. 6 aylıq iqtisadi artım tempi 12,8% təşkil edir. Bu, görünməmiş iqtisadi artımdır".

InterPress.ge xəbər verir ki, bunu Gürcüstanın Baş naziri İrakli Ğaribaşvili hökumət iclasında deyib.

Onun sözlərinə görə, hökumət iqtisadi artımı və epidemiya vəziyyətini idarə etmək üçün hər şeyi edir.

“Əlbəttə ki, biz yeni layihələri maliyyələşdirməklə biznesə mümkün qədər dəstək verəcəyik. Bunun üçün xanım Natia Turnava bu gün yenilənmiş bir paket təqdim edəcək. Eyni zamanda epidemioloji vəziyyət və inkişaf bizim üçün diqqətəlayiqdir. Biz vəziyyəti idarə etməliyik. Dövlət və hökumət bunun üçün hər şeyi edir", - deyib Baş nazir.