Media nümayəndələri Parlamentə girməyi tələb edirlər
Media nümayəndələri parlamentin qarşısına toplaşıblar.
InterPress.ge xəbər verir ki, onlar 5-6 iyul hadisələri ilə əlaqədar daxili işlər nazirinə suallar vermək üçün Parlamentin növbədənkənar sessiyasının plenar iclasına qatılmalarını xahiş edirlər.
Millət vəkilləri son vaxtlarda baş verən hadisələr, o cümlədən Prayd Həftəsi çərçivəsində Daxili İşlər Nazirliyinin həyata keçirdiyi tədbirlər barədə daxili işlər naziri Vaxtanq Qomelaurini dinləyəcəklər.
Parlament yaxınlığına çox sayda hüquq-mühafizə orqanı cəlb edilib. Səhər saatlarında Parlament, əlavə təhlükəsizlik tədbirləri ilə əlaqəda açıqlama yayaraq, Parlament sədrinin 30 dekabr 2016-cı il tarixli sərəncamı ilə müəyyən edilmiş qaydalara uyğun olaraq, bu gün Parlament binasına məhdud giriş rejiminin fəaliyyət göstərəcəyini bildirdi.
Onların sözlərinə görə, media nümayəndələrinin qəbulu adi rejimdə, əvvəlcədən razılaşdırılmış çəkiliş qruplarının sayına və icazəsinə əsasən aparılacaq.
