Zaur Darğallı: "Son üç gündür ki, Marneulidə koronavirusa yoluxma aşkarlanmayıb"

"Son üç gündür ki, Marneulidə koronavirusa yoluxma halı aşkarlanmayıb".

Bu barədə Marneuli meri Zaur Darğallı InterPress.ge-yə müsahibəsi zamanı bildirib.

Onun sözlərinə görə, bu günə kimi Marneulidə 15 nəfərdə virus aşkarlanıb, onlardan 7 nəfər artıq sağalıb.

Z. Darğallı həmçinin qeyd etdi ki, Marneulinin Maradis kəndində vəziyyət sabitdir, kənddə gündəlik olaraq sakinlərin hərarətləri yoxlanılır və sakinlər özünütəcriddədirlər.

Qeyd edək ki, Marneulidə ilk koronavirusa yoluxma halı 22 mart tarixində qeyd alınıb. Martın 23-ü isə Marneulidə sərt karantin rejimi elan olunub.