Kiçik qaz paylayıcı şirkətlər üçün tariflər artırıldı
Gürcüstan Milli Enerji və Su Təchizatı Tənzimləmə Komissiyası bugünkü ictimai iclasda kiçik təbii qaz paylayıcı şirkətlər - "Gasco", "Varketilairi" və "Enerqokavşiri" üçün təbii qaz tədarükü və istehlak tariflərinin tənzimlənməsini müzakirə edib.
InterPress.ge xəbər verir ki, tariflərin dəyişdirilməsinin əsasını Təbii Qaz Tariflərinin Hesablanması Metodologiyasının 28-ci maddəsinin 4-cü bəndinə əsasən GNERC-yə daxil olan şirkətlərin tarif tənzimlənməsi ilə bağlı tələbləri təşkil edir.
Komissiyanın qəbul etdiyi qərarlara əsasən "Gasco"nun tənzimlənmiş tarifi ƏDV daxil olmaqla 53.351 tetri / m3-dir. 1 iyul tarixinə qədər mövcud tarifi 48.301 tetri / m3-dir.
"Varketilairi" tənzimlənmiş tarifi 57.062 tetri / m3-dir. 1 iyul tarixinə qədər mövcud tarif 48.677 tetri / m3-dir.
"Enerqokavşiri"nin tənzimlənmiş tarifi 57.794 tetri / m3-dir. 1 iyul tarixinə qədər mövcud tarif 49.443 tetri / m3-dir.
Düzəliş edilmiş tariflər 1 iyul tarixindən etibarən qüvvəyə minəcək və 31 dekabr 2022-ci il tarixinədək qüvvədə olacaq.
Məlumat üçün bildirək ki, "Gasco" Senakidə fəaliyyət göstərir və 9 minə qədər abunəçiyə xidmət göstərir. "Varketiliairi" Tibilisidə fəaliyyət göstərir və Varketilidə 16 minə qədər abunəçiyə xidmət göstərir. "Enerqokavşiri" Tbilisidə fəaliyyət göstərir və bir neçə Qldani və Muxiani mikrorayonlarına xidmət göstərir, 12.000 abunəçisi var.
