Narkotik satanlara qarşı cəzalar sərtləşdirilir

Səhiyyə və Sosial Məsələlər Komitəsi, narkotik satanlara qarşı cəzaların sərtləşdirilməsini nəzərdə tutan "Gürcüstanın Cinayət Məcəlləsində dəyişikliklər edilməsi haqqında" qanun layihəsinin lehinə səs verib.

InterPress.ge xəbər verir ki, Daxili İşlər nazirinin müavini Aleksandre Daraxvelidze, narkotik cinayətləri və narkotik ticarəti ilə bağlı statistik məlumatları komitə üzvlərinə təqdim edib.

Cinayət Məcəlləsinə edilən dəyişikliklər Gürcüstan Cinayət Məcəlləsində narkotik maddələrin, yeni psixoaktiv, psixotrop və təsirli maddələrin satışına qoyulmuş sanksiyanı sərtləşdirir. Xüsusilə, narkotik maddənin, onun analoqunun, prekursorunun və ya yeni psixoaktiv maddənin qanunsuz satışına görə, mövcud mətndə nəzərdə tutulmuş altı ildən on bir ilədək sanksiya əvəzinə, cinayət on ildən on beş ilədək müddətə azadlıqdan məhrumetmə ilə cəzalandırılır. Adı çəkilən cinayətin böyük və xüsusilə böyük miqdarda törədilməsinə görə də sanksiya artırılır. Xüsusilə, çox miqdarda olduğu halda, 7-14 il həbs cəzası aralığı 12-17 ilə qədər, xüsusilə çox miqdarda olduğu təqdirdə, 14 ilə 20 il arasında və ya ömürlük həbs cəzası olaraq artırılır.