Nazir komendant saatı ilə bağlı açıqlama verdi

"Bəlkə də yaxın gələcəkdə komendant saatının tamamilə ləğv ediləcəyi vaxt gələcək".

InterPress.ge xəbər verir ki, bu barədə İqtisadiyyat və Davamlı İnkişaf naziri natia Turnava deyib.

Natia Turnavanın hökumət iclasından sonra keçirilən brifinqdə izah etdiyinə görə, hökumətin bu mərhələdə verdiyi qərarlar epidemiya ilə əlaqədardır, çünki epidemiya hələ məğlub edilməyib.

“İqtisadiyyat naziri olaraq hər zaman liberallaşma tərəfdarı olmuşam, amma nəticədə balanslı bir qərar veririk. Unutmayaq ki, pandemiyanı hələ məğlub etməmişik. Əslində epidemioloji zəmini pisləşdirməyərək sərhədi açmağı bacarmağımız səhiyyə sektorumuzun, Səhiyyə Nazirliyinin və bütövlükdə tibb korpusumuzun xidmətidir. Bu qiymətləndirilməli və qorunmalıdır.

Gürcüstan çox cəlbedici bir turizm yeridir, ancaq kiçik ölkədir. Bu gün gördüyümüzə görə turistlərin davranışları dəyişdi, daha uzun müddətə gəlirlər və sərhədləri keçməklə bağlı bəzi çətinliklər olduğu üçün bu başa düşüləndir. Bu səbəbdən daha uzun müddətə gələn turistlər mümkün qədər bütün bölgələrə səyahət etməyə çalışırlar. Bəlkə də gecə məhdudiyyətini qaldırmağı düşünəcəyimiz bir zaman gələcək. Bilirsiniz, vaxtı tədricən azaldırıq, düşünürəm ki, yavaş-yavaş oraya doğru irəliləyirik, amma quru sərhədi yeni açıldı. Bir neçə həftə müşahidə etməliyik", - dedi nazir.