Yunanıstanda altı Gürcüstan vətəndaşı saxlanıldı

Yunanıstanda mənzillərdən soyğunçuluq ittihamı ilə altı Gürcüstan vətəndaşı saxlanılıb.

InterPress.ge xəbər verir ki, bu barədə Rustavi 2 kanalı yerli mətbuata əsasən məlumat yayır.

Məlumata görə, 18 oğurluq faktı aşkarlanıb, oğurlanan əşyaların ümumi dəyəri 190 000 avrodan çoxdur.

Saxlanılanlar əsasən, Baqradi, Qaisariani və Zoqrapu rayonlarında oğurluq ediblər.

Yunan mediasının yazdığına görə, cinayətkarlar qrup şəklində hərəkət edirdilər və hər bir üzvün müəyyən bir rolu var idi.

Saxlanılanların əksəriyyəti əvvəllər də oxşar cinayətlərdə ittiham olunub.