İstintaq Xidməti dezinfeksiyaedici maddələrin saxtalaşdırılması faktını aşkar etdi

Gürcüstanın Maliyyə Nazirliyinin İstintaq Xidməti tərəfindən həyata keçirilmiş əməliyyat-istintaq və axtarış tədbirləri nəticəsində dezinfeksiyaedici maddələrin saxtalaşdırılması faktı aşkar edilib.

InterPress.ge xəbər verir ki, məlumatı İstintaq Xidməti yayır

“Araşdırmada cinayətdə ifşa olunan şirkətlərdən birinin rəhbərinin Tbilisidə zirzəmi tipli bir binada müxtəlif tutumlu qablarda dezinfeksiyaedici maddələri sistematik şəkildə hazırladığı, qablaşdırıldığı və daha sonra satmaq məqsədilə ateliye təşkil etdiyi müəyyənləşdirildi”, - deyə İstintaq Xidmətindən bildirilib.

Məlumata görə, istintaq zamanı məhkəmə qərarı əsasında nəzarət alqı-satqısı aparılıb, şirkətin ərazisində axtarış aparılıb, nəticədə külli miqdarda qablaşdırılmış dezinfeksiyaedici maddələr aşkarlanıb.

"Kimyəvi ekspertizanın nəticələrinə görə, dezinfeksiyaedici maddələrin keyfiyyətinin dəyişdirildiyi, xüsusən məhsulda etiketində göstərilən müvafiq maddələrin olmadığı aşkarlandı" - İstintaq Xidməti bildirir.

Gürcüstan Cinayət Məcəlləsinin bir ildən üç ilədək həbs cəzasını nəzərdə tutan 197-ci maddəsinin birinci hissəsi ilə istintaq aparılır.