Çoxatauri bələdiyyəsində pis hava şəraiti problemlər yaradıb
Şiddətli yağış və külək Çoxatauri bələdiyyəsində problemlər yaradıb.
InterPress.ge xəbər verir ki, Xevi, Daba, Zemoxeti və Burnati kəndlərində külək elektrik ötürücü xətlərə ziyan vurub, ağaclar aşıb və şəxsi evlərə ziyan dəyib.
Çoxatauri bələdiyyə sədri İrakli Kuçavanın dediyinə görə, aşan ağaclar səbəbindən Xevi kəndində yol bir saat ərzində bağlı qalıb.
Onun sözlərinə görə, elektrik enerjisi bu anda yalnız bir rayona verilmir, başqa yerlərdə artıq bərpa edilmişdir.
"Bələdiyyə nümayəndələri, xilasetmə xidmətləri, habelə "Energo-Pro Georgia"nın briqadaları bu vaxtadək işlərini davam etdirirlər. Xüsusi komissiya tərəfindən zərər hesablanır. Bələdiyyə mümkün qədər əhaliyə kömək edəcəkdir, fövqəladə halları nəzərdə tuturam" , - dedi Çoxatauri meri İrakli Kuçava.
