Daha bir aviaşirkət Tbilisiyə uçuşlara başlayır

İyunun 1-dən Bəhreyn Krallığının flaqmanı "Gulf Air" Bəhreyn-Tbilisi istiqamətində birbaşa uçuşlara başlayacaq.

InterPress.ge xəbər verir ki, kovid pandemiyasının səbəb olduğu 1 illik məcburi fasilədən sonra, aviaşirkət həftədə 4 dəfə Gürcüstan aviasiya bazarına qayıdır.

Yay mövsümündə uçuşlar hər bazar ertəsi, çərşənbə axşamı, cümə axşamı və şənbə günləri Airbus 320 növ təyyarələr ilə həyata keçiriləcək.

"Gulf Air" 2017-ci ildə Tbilisi Beynəlxalq Hava Limanında fəaliyyətə başladı. "Gulf Air" dünya aviasiya bazarında 1950-ci ildən fəaliyyət göstərir. Aviaşirkət Bəhreyn Beynəlxalq Hava Limanından üç qitəyə 60- a dək beynəlxalq istiqamətə uçuşlar həyata keçirir.