İsrailin Qəzza sektoruna endirdiyi hava hücumlarında ölənlərin sayı 53 nəfərə çatdı

İsrailin Qəzza sektoruna endirdiyi hava hücumlarında ölənlərin sayı 53 nəfərə çatıb.

InterPress.ge xəbər verir ki, Qəzza sektorunun Səhiyyə Nazirliyinin verdiyi məlumata görə, ölənlər arasında 14 uşaq və üç qadın var.

Qəzza sektorundakı hərbi qrupların nümayəndələri İsrailin təcavüzünə cavab verdiklərini və nəyin bahasına olursa olsun müqavimət göstərmələrini dayandırmayacaqlarını söyləyiblər.

İsrail Müdafiə Qüvvələrinin verdiyi məlumata görə, Qəzza və Xan Yunis şəhərlərindəki hərbi əməliyyatlarda HƏMAS hərbi rəhbərliyinin bir neçə üzvü öldürülüb.

İsrail HƏMAS iderlərinin sıradan çıxarılmasının hərbi qruplar tərəfindən yeni hücumlara səbəb olacağını söyləyib.