Gürcüstandan bu istiqamətə yeni uçuşlar başlayır
Qazaxıstanın ucuz hava yolu şirkəti FlyArystan, Gürcüstana müntəzəm uçuşlara başlayır.
InterPress.ge xəbər verir ki, bu barədə məlumat Mülki Aviasiya Agentliyi tərəfindən yayılır.
Onların sözlərinə görə, Gürcüstan İqtisadiyyat və Davamlı İnkişaf Nazirliyinin Mülki Aviasiya Agentliyi bu il aprelin 27-də aviaşirkətə əməliyyat lisenziyası verib.
Agentlikdən verilən məlumata görə, Air Astana şirkəti Kutaisi Beynəlxalq Hava Limanına uçuşları aşağıdakı cədvələ uyğun həyata keçirəcək:
Atirau - Kutaisi - Atirau, 2 May - 30 Oktyabr, hər cümə axşamı və bazar;
Aktau - Kutaisi - Aktau, 4 may - 30 oktyabr, hər çərşənbə axşamı və cümə;
Nursultan - Kutaisi - Nursultan, mayın 4-dən 28-dək hər çərşənbə axşamı və cümə və 2 iyun - 30 oktyabr arasında - hər çərşənbə və şənbə.
"Xahiş edirik unutmayın ki, epidemioloji vəziyyətə görə, sərhəd məhdudiyyətləri və sanitariya tələbləri dövlətlər tərəfindən vaxtaşırı dəyişdirilir. Bu isə, bu və ya digər istiqamətdə hava nəqliyyatının başlaması, davam etməsi və ya yenilənməsi baxımından aviaşirkətlərin qərarlarına təsir edir. Vətəndaşları səyahətlərini planlaşdırarkən diqqətli olmağa, təyinat ölkəsi tərəfindən bildirilən sərhəd və sanitariya qaydaları ilə tanış olmağa, aviaşirkətlərin bildirişlərini, rəsmi mənbələrdə yerləşdirilən elanları və cədvəlləri diqqətlə oxumağa çağırırıq", - deyilir məlumatda.
