Türkiyə Respublikasından Gürcüstana ixrac olunan 45 500 kq soğan geri qaytarıldı

45.500 kiloqram soğan ixracatçı ölkəyə qaytarıldı.

lnterPress.ge xəbər verir ki, bu barədə Gəlirlər Xidmətindən məlumat verilib.

Məlumata görə, Maliyyə Nazirliyinin Gəlirlər Xidmətinin gömrük keçid məntəqəsi – “Sarp”ı keçərək Türkiyə Respublikasından Gürcüstan ərazisinə 45.500 kq soğan yüklü iki nəqliyyat vasitəsi daxil olub.

İdarədən verilən məlumata görə, Gömrük İdarəsinin Sanitar, Fitosanitariya və Baytarlıq Nəzarəti şöbəsinin əməkdaşları tərəfindən mallara nəzarət prosedurları zamanı qeyd olunan malların bitki sağlamlığı tələblərinə cavab vermədiyi məlum olub.

Gürcüstan Hökumətinin N463 saylı qərarına əsasən yük ixracatçı ölkəyə qaytarılıb.