Gürcüstanda aprelin 12-dək olan hava şəraiti

Aprelin 9-dan etibarən Gürcüstanın bütün ərazisində, xüsusilə Qərbi Gürcüstanda hava kəskin şəkildə pisləşəcək, havanın temperaturunun təxminən 15 dərəcəyə qədər enə biləcəyi gözlənilir.

InterPress.ge xəbər verir ki, qeyd olunan temperatur 12 aprelə qədər davam edəcək.

Məlumata görə, dağlarda qar fırtınası da mümkündür. Gürcüstanın şərqində, o cümlədən Tbilisi və ətraf ərazilərində qərb küləyi güclənəcək. Gürcüstanın şərqində temperaturun kəskin enməsi gözlənilmir. Temperatur 9-12 aprel tarixləri arasında +17, +19 dərəcə olacaq.