Stoltenberq: "Gürcüstanda yaşanan son siyasi inkişaflar narahatlıq doğurur"

"Gürcüstanda yaşanan son siyasi inkişaflar narahatlıq doğurur".

InterPress.ge xəbər verir ki, bu barədə NATO Baş katibi Yens Stoltenberq Baş nazir İrakli Ğaribaşvili ilə görüşdən sonra təşkil etdiyi mətbuat konfransında bildirib.

Stoltenberqin qeyd etdiyinə görə, NATO Gürcüstanın demokratik standartları qoruyacağını gözləyir.

"Baş nazir, yaxın əməkdaşlığımız çətin müzakirələrdən qaçmamağımız deməkdir. Gürcüstanda baş verən son siyasi hadisələr narahatlığa səbəb olur. NATO, Gürcüstanın son illərin zəhməti ilə qurulan demokratik standartları, o cümlədən siyasi fikir ayrılıqlarını dialoq yolu ilə həll etməyi və ritorikadan və cəmiyyətdə parçalanmaya səbəb olan hərəkətlərdən çəkinməyi gözləyir. NATO, AB-nin vasitəçilik səylərini dəstəkləyir"-Stoltenberq.