Ombudsman aparatı: Tbilisi Ruh Sağlamlığı Mərkəzindəki xəstələr şiddətdən, qeyri-insani və ya alçaldıcı rəftardan qoruna bilmir
Tbilisi Ruh Sağlamlığı Mərkəzindəki xəstələr şiddətdən, qeyri-insani və ya alçaldıcı rəftardan qoruna bilmir.
InterPress.ge xəbər verir ki, bu barədə hesabat Ombudsman aparatı tərəfindən yayımlanıb.
Ombudsman aparatından verilən məlumata görə, aparılan monitorinq zamanı xəstələrə psixo-sosial reabilitasiya xidmətinin göstərilmədiyi müəyyən edilib və müəssisədəki mövcud infrastruktur vəziyyəti xəstələrin müalicəsinin ləyaqətlərinin qorunması şəaraitində həyata keçirilmir.
“Gürcüstanda yeni koronavirusun yaratdığı pandemiya fonunda, Xalq Müdafiəçisi xüsusi profilaktik qrupunun üzvləri Tbilisi Ruh Sağlamlığı Mərkəzindəki epidemioloji vəziyyəti və xəstələrin hüquqlarının qorunması baxımından mövcud vəziyyəti araşdırdılar.
Monitorinq zamanı Tbilisi Ruh Sağlamlığı Mərkəzindəki xəstələrin şiddət, qeyri-insani və ya ləyaqəti alçaldan rəftardan qorunmadıqları ortaya çıxdı. Xəstələrə psixo-sosial reabilitasiya xidməti göstərilmir və müəssisədəki mövcud infrastruktur vəziyyəti xəstələrin müalicəsinin ləyaqətlərinin qorunması şəraitində həyata keçirilmir. Mövcud kəskin problemlər fonunda, Xalq Müdafiəçisi dövləti vaxtında tədbir görməyə çağırır", -deyilir məlumatda.
Məlumata görə, xüsusi profilaktika qrupuna müəssisənin əməkdaşları tərəfindən xəstələrə qarşı çoxsaylı fiziki və psixoloji zorakılıq mesajları daxil olub.
"Müəssisədəki psixiatrik yardım praktik olaraq farmakoloji müalicəyə endirilib. Xəstələrin bir hissəsi minimum terapevtik dozada dərman alır və psixo-sosial reabilitasiya keçmirlər. Qurumda xəstələrin müstəqil yaşamalarını və cəmiyyətə daxil olmalarını təmin etmək üçün lazımi səviyyədə qayğı, psixo-sosial reabilitasiya, məlumatlandırmaq, təhsil və dəstək ilə təmin etmək üçün kifayət qədər insani resursları yoxdur.
Binanın əsas hissəsinin infrastrukturu köhnəlib və nasazdır. Çox yerlik ümumi palatalarda sıxlıq var. Ölkədəki epidemioloji vəziyyətə baxmayaraq, müəssisədə sanitariya-gigiyena qaydalarına məhəl qoyulmur. Nəticədə, müəssisədə infeksiyanın yayılma riski yüksəkdir. Bu fonda, aktiv müalicəyə ehtiyac duymayan xəstələr illərlə müəssisədə qalırlar, lakin istəklərinə baxmayaraq, cəmiyyətdə lazımi xidmətlərin olmaması ucbatından xəstəxananı tərk edə bilmirlər",- qeyd edilib hesabatda.
Hesabatda bildirildiyinə görə, faydalananlar müəssisədə fiziki sağlamlıq problemləri üçün tam müalicə ilə təmin edilmir.
“Xəstələr vaxtında və tam stomotoloji baxımdan yararlana bilmirlər. Xəstələrin əksəriyyəti könüllü psixiatriya yardımı üçün xəstəxanaya yerləşdirilən xəstələr olaraq təyin edilir, baxmayaraq ki, əslində öz istəkləri ilə müəssisəni tamamilə və ya müvəqqəti tərk edə bilmirlər. Müəssisədə şikayətlərin baxılması mexanizmi yoxdur. Əksər faydalananların hüquqları barədə məlumatları yoxdur. Xəstələrin çoxunun telefonları müsadirə olunub və qohumları ilə əlaqə qurmaq istəsələr, bu işçilərin xoş niyyətindən asılıdır, bu səbəbdən xarici dünya ilə praktik olaraq məhdud əlaqələri var.
Müəssisə işçiləri xəstənin zehni vəziyyətinin çətinləşməməsi üçün müvafiq təlimat və ixtisasa sahib deyillər və bu cür ağırlaşma baş verdikdə vəziyyəti aradan qaldırmaq üçün müxtəlif üsullardan istifadə etmək əvəzinə xəstələr üçün sakitləşdirici iynə vururlar, hansı ki, mövcud qanunvericiliyə görə, yalnız son dərəcə zərurət olduğu hallarda tətbiq edilməlidir.
Hesabat Xalq Müdafiəçisinin xüsusi profilaktika qrupunun 15-16 sentyabr 2020-ci il tarixlərində Tbilisi Ruh Sağlamlığı Mərkəzinə etdiyi xüsusi monitorinq səfərinə əsaslanır.
