Nazir toylar və oxşar tədbirlərlə bağlı açıqlama verdi

"Restoranlarda sosial (Toy, nişan, yaş və sairə) tədbirlərin keçirilməməsinə ciddi nəzarət ediləcək, bunun üçün məsuliyyəti sərtləşdirməyə hazırıq".

InterPress.ge xəbər verir ki, bu barədə İqtisadiyyat və Davamlı İnkişaf naziri Natia Turnava brifinqdə deyib.

Onun sözlərinə görə, qida obyektlərinin daxili sahələrinin açılması ciddi nəzarət altına alınacaq, çünki bu sahələrdə infeksiyanın yayılma riski yüksəkdir.

"Restoran sənayesinin daxili sahəsi praktiki olaraq 10 gün ərzində açılacaqdır, amma burada qeyd etmək istərdim ki, bu ciddi nəzarət altında aparılacaqdır. Çünki hələ də dünya miqyasında restoranlar yüksək hərəkətlilik yaradan sahələrdən biri kimi qiymətləndirilir, burada infeksiya riski yüksəkdir, maskadan istifadə etmək mümkün deyil. Buna görə protokolların icrasının yerinə yetirilməsini çox yaxından müşahidə edəcəyik.

Restoran biznesi ilə çoxsaylı görüşlər keçirdik və onlardan məsuliyyətli bir yanaşma gördük. İşçilər üçün məcburi testlər də olacaqdır. Sosial (toy, nişan, doğum günü və sairə) tədbirlər keçirilməməsi üçün ciddi nəzarət olacaq, bu bir məhdudiyyət olaraq qalır. Bunun üçün məsuliyyəti daha da sərtləşdirməyə hazırıq", - dedi Turnava.

Nazirin sözlərinə görə, həftə sonu qadağasının ləğvi bu gün verilən qərarların epidemioloji vəziyyətə necə təsir edəcəyindən asılı olacaq.

"Ümumilikdə, bu qərar bu sahədə çalışan təxminən 200.000 insan üçün vacibdir. İnsanların işlərini mümkün qədər çox qoruyub-saxlaması və bu sahənin də gəlir əldə etməsi bizim üçün vacibdir. Bununla birlikdə, həftə sonu məhdudiyyəti hələ də qüvvədə qalır və növbəti mərhələdə bu açılışların epidemioloji baxımdan necə çalışdığını görəndə, həftə sonu restoran məhdudiyyətlərinin azaldılması və ya azaldılmaması məsələsini müzakirə edəcəyik", - dedi Natia Turnava.