1 USD = 3.32 GEL 1 1 EUR = 3.964 GEL 1 AZN = 1.951 GEL 1 TRY = 0.442 GEL 1 RUB = 4.452 GEL
23 
Fev
2021
18:46
403

Gürcüstan müxalifətinin mitinqi başa çatıb

Gürcüstanın müxalifət partiyalarının Tbilisidə parlament binası önündə keçirdikləri mitinq yekunlaşıb.

InterPress.ge xəbər verir ki, aksiyanın bəzi iştirakçıları ərazidə qalmaqda davam edirlər.

Onlar gecəni qanunverici orqanın binası qarşısında qurulan çadırda keçirəcəklərini bildiriblər.

Avropalı Gürcüstan Partiyasının liderlərindən biri Gigi Uqulava da Rustaveli prospektini tərk etməyəcəyini deyib. Onun sözlərinə görə, müxalifət liderləri qrafik əsasında parlament qarşısında bir-birilərini növbəli şəkildə əvəzləyəcəklər.

Qeyd edək ki, bu gün saat 15:00-da hökumət binasının qarşısında başlayan mitinq daha sonra parlamentin önündə davam etdirilib. Aksiyaçılar Vahid Milli Hərəkat Partiyasının sədri Nika Meliyanın azadlığa buraxılması və növbədənkənar parlament seçkilərinin keçirilməsini tələb ediblər. Müxalifət fevralın 26-na yürüş-aksiya təyin edib.

Bizimlə əlaqə saxlayın