Ukraynadan Gürcüstana müntəzəm aviareyslər gələn aydan bərpa ediləcək

“Ukrayna Beynəlxalq Hava Yolları” (MAU) şirkəti gələn aydan Kiyev-Bakı-Kiyev istiqamətində aviareysləri bərpa edir.

InterPress.ge bu barədə aviaşirkətin internet səhifəsində istinadən xəbər verir.

Məlumata görə, aviadaşıyıcı yay mövsümü ilə bağlı uçuş proqramını yeniləyib.

Proqrama əsasən, martın 28-dən Ukrayna paytaxtından Gürcüstana (Tibilisi), Azərbaycana və Ermənistana (İrəvan) uçuşlar bərpa olunacaq.

Bundan başqa, aviaşirkət Böyük Britaniya (London), Fransa (Paris), Almaniya (Münhen), İtaliya (Milan), İspaniya (Barselona), BƏƏ (Dubay), Misir (Qahirə) və Türkiyə (İstanbul) istiqamətlərində də aviareysləri bərpa edəcək.