Baş nazir elektrik enerjisinin qiymətinin artması ilə bağlı açıqlama verdi

"Komandada, hökumətdə və əlbətdə ki, parlament nümayəndələri ilə müzakirələr apardıq və bu anda mümkün olan və əsaslandırılmış qərarı verdik - Gürcüstan vətəndaşları 2021-ci ilə qədər elektrik enerjisi tariflərinin artacağını hiss etməyəcəklər".

InterPress.ge xəbər verir ki, bu barədə İdarələrarası Koordinasiya Şurasında keçirilən brifinqdə Baş nazir Qiorqi Qaxaria söyləyib.

Baş nazirin sözlərinə görə, Gürcüstan Hökuməti, 300 kilovattadək istehlak edən müştərilər üçün bu gün Gürcüstan Milli Enerji Tənzimləmə kommisiyası tərəfindən təyin ediləcək cari elektrik enerjisi tarifi ilə artan tarif arasındakı fərqə tam subsidiya verəcəkdir.

"Gürcüstanda cəmi 1,7 milyon müştəri var, bunlardan 1,6 milyon müştəri 300 kVt / saatdan az elektrik enerjisi istehlak edir", - deyə Baş nazir söylədi.