—

Nino Çxobadze: Tbilisidə istilik dalğaları güclənə bilər, sahillərdə isə güclü fırtınalar gözlənilir

650
Nino Çxobadze: Tbilisidə istilik dalğaları güclənə bilər, sahillərdə isə güclü fırtınalar gözlənilir
Dinləmək üçün basın

Tbilisidə yay mövsümündə istilik dalğalarının daha da güclənəcəyi, Gürcüstanın dəniz sahillərində isə güclü fırtına və dalğalanmaların müşahidə olunacağı proqnozlaşdırılır.

Tbilisidə yay mövsümündə istilik dalğalarının daha da güclənəcəyi, Gürcüstanın dəniz sahillərində isə güclü fırtına və dalğalanmaların müşahidə olunacağı proqnozlaşdırılır.

InterPress.ge xəbər verir ki, bu barədə "Gürcüstan Yaşıllar Hərəkatı / Yerin Dostları" təşkilatının sədri Nino Çxobadze "Palitra" radiosunun "Sizin Vaxtınız" verilişində bildirib.

Onun sözlərinə görə, Tbilisinin sıx və hündürmərtəbəli tikililərlə əhatə olunması şəhərdə hava dövranını zəiflədir və istilik dalğalarının təsirini artırır.

"Nəticədə şəhərdə istilik toplanır. Şüşəli binaların çoxluğu da problemi daha da dərinləşdirir. Bu cür binaların soyudulması daha çətindir və daha çox elektrik enerjisi tələb edir. Hesab edirik ki, təkcə bu yay deyil, gələcək illərdə də Tbilisidə yay mövsümü çətin keçəcək", – deyə Çxobadze bildirib.

O qeyd edib ki, iqlim dəyişiklikləri fonunda dəniz sahillərində güclü dalğalanmalar və fırtınalar arta bilər.

"Sahillərdə güclü dalğalanma və böyük fırtınalar gözlənilir. Xəbərdarlıq sistemi işləyir, lakin vətəndaşlar edilən xəbərdarlıqlara daha ciddi yanaşmalıdırlar", – deyə o vurğulayıb.

Nino Çxobadze valideynlərə uşaqları günün ən isti saatlarında açıq havaya çıxarmamağı, bol maye qəbul etməyi və günvurmadan qorunmağı tövsiyə edib.

O, həmçinin bildirib ki, güclü yağışlar, külək, zəlzələ və digər təbii fəlakətlər zamanı necə davranmaq barədə əhalinin məlumatlandırılması üçün geniş maarifləndirmə kampaniyasına ehtiyac var.

Çxobadzenin sözlərinə görə, Tbilidə dağ çaylarının daşması riski yüksəkdir, yağış sularının axıdılması sistemi isə bəzi küçələrdə güclü yağıntının öhdəsindən gələ bilmir. Bu səbəbdən paytaxtda bütün drenaj sistemlərinin keçiricilik qabiliyyətinin yoxlanılması vacibdir.

Xəbəri qiymətləndir
Məqalənin müəllifiInterPress

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →