—

Polislər tərəfindən döyülən şəxsin vəkili: Papuna Lotsulaşvilinin qabırğası sınıb, bədənində çoxsaylı əziklər var

395
Polislər tərəfindən döyülən şəxsin vəkili: Papuna Lotsulaşvilinin qabırğası sınıb, bədənində çoxsaylı əziklər var
Dinləmək üçün basın

Laşa Txeşeladze bildirib ki, hüquq-mühafizə orqanlarının zorakılığına məruz qalan Papuna Lotsulaşvilinin qabırğası sınıb və bədənində çoxsaylı əziklər var.

Laşa Txeşeladze bildirib ki, hüquq-mühafizə orqanlarının zorakılığına məruz qalan Papuna Lotsulaşvilinin qabırğası sınıb və bədənində çoxsaylı əziklər var.

InterPress.ge xəbər verir ki, vəkilin sözlərinə görə, Lotsulaşvili ötən gecə “VivaMedi” klinikasından evə buraxılıb və müalicəsini ev şəraitində davam etdirəcək.

“Onu ‘VivaMedi’dən evə buraxdılar ki, dincəlsin. Yəqin ki, sabah və ya birisi gün ifadə verməsini istəyəcəyik. Klinika bildirdi ki, qabırğası sınıb, həmçinin əli zədələnib, ona rezin sarğı qoyulub. Bədənində əziklər var, beyin silkələnməsi isə yoxdur. Həkim dedi ki, müalicəni evdə davam etdirməlidir”, – deyə Laşa Txeşeladze bildirib.

Vəkilin sözlərinə görə, istintaq davam edir.

“Ona dünən təqsirləndirilən şəxs statusu ilə ifadə verdirilməsinə başlanıldı, lakin bu mümkün olmadı, çünki tibbi müayinəyə ehtiyacı var idi. Mənim əsas tələbim bu işə xitam verilməsi və polis əməkdaşlarının zorakılığı ilə bağlı işin işgəncə maddəsi ilə yenidən tövsif edilməsidir”, – deyə vəkil qeyd edib.

Xatırladaq ki, Qorinin Kombinat qəsəbəsində hüquq-mühafizə orqanlarının əməkdaşları Papuna Lotsulaşviliyə və onun dostuna fiziki zorakılıq tətbiq ediblər.

Vəkilin məlumatına görə, Papuna Lotsulaşvili Gürcüstan Cinayət Məcəlləsinin polis əməkdaşına qarşı zorakılığı nəzərdə tutan 353-cü maddəsi ilə saxlanılıb, lakin daha sonra sərbəst buraxılıb.

Bununla yanaşı, Gürcüstan Prokurorluğu polis əməkdaşları tərəfindən zor tətbiq etməklə səlahiyyət həddinin aşılması faktı üzrə Cinayət Məcəlləsinin 333-cü maddəsinin üçüncü hissəsinin “b” bəndi ilə istintaqa başlayıb.

Xəbəri qiymətləndir
Məqalənin müəllifiInterPress

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →