—

Gürcüstanda “ailə səbəti” üçün vahid qiymət platforması yaradılır

385
Gürcüstanda “ailə səbəti” üçün vahid qiymət platforması yaradılır
Dinləmək üçün basın

Gürcüstanın Rəqabət və İstehlakçı Hüquqlarının Müdafiəsi Agentliyi “ailə səbəti” proqramının monitorinqi məqsədilə vahid informasiya platforması yaradır.

Gürcüstanın Rəqabət və İstehlakçı Hüquqlarının Müdafiəsi Agentliyi “ailə səbəti” proqramının monitorinqi məqsədilə vahid informasiya platforması yaradır.

InterPress.ge xəbər verir ki, bu barədə Gürcüstanın Rəqabət və İstehlakçı Hüquqlarının Müdafiəsi Agentliyi məlumat yayıb. Bildirilib ki, proqramda iştirak edən market şəbəkələri hər həftə agentliyə “ailə səbəti”nə daxil olan əsas məhsullar üzrə ən sərfəli təkliflər və qiymətlərlə bağlı məlumat təqdim etməli olacaqlar.

Məlumata görə, həmin göstəricilər elektron səbət formatında xüsusi informasiya portalında mütəmadi yenilənəcək.

Agentlik qeyd edib ki, layihə Baş nazir İrakli Kobaxidzenin təşəbbüsü və parlamentin ərzaq məhsulları, dərman vasitələri və yanacaq qiymətlərinin formalaşmasını araşdıran müvəqqəti komissiyasının tövsiyələri əsasında hazırlanır.

Layihənin məqsədi istehlakçılara marketlərdə əsas ərzaq məhsulları üzrə ən sərfəli qiymət və kampaniyalar barədə məlumatı bir məkanda təqdim etməkdir.

GCCA sədri İrakli Lekvinadze bildirib ki, platforma istehlakçıların məlumatlılığını artıracaq və bazardakı təkliflərin daha şəffaf təqdim olunmasına kömək edəcək.

Onun sözlərinə görə, elektron platforma FMCG sektorunda rəqabətin daha da güclənməsinə dəstək verəcək.

Qeyd edək ki, Gürcüstanın Rəqabət və İstehlakçı Hüquqlarının Müdafiəsi Agentliyi FMCG bazarının monitorinqini 2023-cü ildən həyata keçirir. Bundan əlavə, parlamentin müvəqqəti komissiyası da ərzaq, dərman və yanacaq bazarını araşdıraraq rəqabətin artırılması məqsədilə qısamüddətli, orta və uzunmüddətli tədbirlərdən ibarət kompleks hesabat hazırlayıb.

Xəbəri qiymətləndir
Məqalənin müəllifiInterPress

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →