—

Avropa Komissiyası Rusiyaya qarşı sanksiyaların 20-ci paketini təqdim edəcək

260
Avropa Komissiyası Rusiyaya qarşı sanksiyaların 20-ci paketini təqdim edəcək
Dinləmək üçün basın

Avropa Komissiyası Rusiyaya qarşı sanksiyaların 20-ci paketini təqdim edəcək. Paket energetika, sənaye və bank sektorlarını əhatə edəcək.

InterPress.ge xəbər verir ki, bu barədə Avropa İttifaqının ali nümayəndəsi Kaya Kallas sosial şəbəkədə paylaşım edib.

Kallas bildirib ki, Rusiya diplomatiyaya raketlərlə cavab verməkdə davam edir və Avropa İttifaqı bu seçimi Moskva üçün ağrılı dərəcədə baha etməyə hazırdır. Onun sözlərinə görə, bu gün təqdim ediləcək 20-ci sanksiya paketi ilə Rusiyanın enerji resurslarının satışından əldə etdiyi gəlirlərin qarşısı alınacaq.

Paylaşımda qeyd olunur ki, Moskva məğlubedilməz deyil: cəbhədə Rusiya ordusu irəliləyə bilmir, ölkə daxilində isə iqtisadiyyat zəifləyir. Kallas vurğulayıb ki, tərəfdaşlarla birlikdə daha güclü təzyiq və Ukraynaya artırılmış hərbi yardım müharibəni qısalda bilər.

Ali nümayəndənin sözlərinə görə, sanksiya təklifi çərçivəsində Rusiyanın enerji sektorunda fəaliyyət göstərən onlarla şirkət, eləcə də Rusiyanın “kölgə donanması”nın fəaliyyətinə kömək edən Rusiya və xaricdəki şirkətlər, o cümlədən liman terminalları sanksiyaya məruz qalacaq. Eyni zamanda siyahıya 40-dan çox gəmi əlavə olunacaq. Neftin qiymətinə yuxarı həddlə bağlı qaydaların dəyişdirilməsi də planlaşdırılır ki, gələcəkdə dəniz xidmətlərinin tam qadağan edilməsi mümkün olsun.

Kallas bildirib ki, müharibə Rusiyanın hərbi zavodlarından başlayır və bu səbəbdən Rusiya hərbi-sənaye bazasının, eləcə də beynəlxalq təchizat zəncirlərinin dağıdılması əsas hədəfdir. Bu məqsədlə Rusiya və üçüncü ölkələrdə yerləşən 40-dan çox şirkətin tam sanksiyaya məruz qalması təklif olunur.

Onun sözlərinə görə, müharibələr tərəflərdən birinin maliyyə imkanları tükəndikdə başa çatır və Moskvanın maliyyə axınının kəsilməsi döyüşlərin dayandırılması üçün kritik əhəmiyyət daşıyır. Bu çərçivədə Kremlə maliyyə dəstəyi verən daha çox bank tranzaksiya qadağaları ilə üzləşəcək və onların hamısının SWIFT sisteminə çıxışı dayandırılacaq.

Bundan əlavə, Rusiya Mərkəzi Bankının rəqəmsal valyutasının qadağan ediləcəyi, kriptovalyutalarla bağlı əlavə tədbirlərin görüləcəyi və Rusiya kriptoaktivləri üzrə xidmət təminatçıları ilə bütün qarşılıqlı əlaqələrin yasaqlanacağı qeyd olunub.

Xəbəri qiymətləndir
Məqalənin müəllifiAysel İsmayılova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →