—

Paris prokurorluğu İlon Maskın X platformasının ofislərində axtarış aparıb

270
Paris prokurorluğu İlon Maskın X platformasının ofislərində axtarış aparıb
Dinləmək üçün basın

Paris prokurorluğu SpaceX şirkətinin qurucusu İlon Maska məxsus X platformasının ofislərində kiber cinayətlərlə bağlı aparılan istintaq çərçivəsində axtarış həyata keçirib.

Paris prokurorluğu SpaceX şirkətinin qurucusu İlon Maska məxsus X platformasının ofislərində kiber cinayətlərlə bağlı aparılan istintaq çərçivəsində axtarış həyata keçirib.

InterPress.ge xəbər verir ki, Bu barədə The Independent məlumat yayıb.

Prokurorluğun açıqlamasına görə, istintaq X platformasının süni intellekt əsaslı çatbotu Grokla bağlı daxil olan telefon şikayətləri əsasında genişləndirilib. Araşdırma çərçivəsində, o cümlədən uşaqlara aid pornoqrafik məzmunlu görüntülərin yaradılması ehtimalı və digər mümkün cinayət əlamətləri araşdırılacaq.

Prokurorluq bildirir ki, hazırkı mərhələdə aparılan istintaq konstruktiv yanaşma kimi qiymətləndirilir və məqsəd X platformasının Fransa ərazisində fəaliyyət göstərdiyi halda ölkə qanunvericiliyinə uyğun işləməsini təmin etməkdir.

“The Independent” məsələ ilə bağlı şərh almaq üçün X platforması ilə əlaqə saxlayıb. Şirkət iyul ayında irəli sürülən ittihamları rədd edərək, fransız prokurorların “siyasi motivli cinayət istintaqı” apardığını bəyan etmişdi. X-in açıqlamasında istintaqın qərəzsizliyi, ədalətliliyi və siyasi motivasiyası ilə bağlı “ciddi narahatlıqların” olduğu qeyd olunub. Şirkət iddia edir ki, işə cəlb olunan bəzi ekspertlər əvvəllər Twitter kimi tanınan sosial şəbəkəni tənqid edən şəxslərdir.

X platforması hesab edir ki, bu istintaq “son nəticədə söz azadlığını məhdudlaşdırır” və məhz bu səbəbdən Fransa hakimiyyətinin tələbləri ilə razılaşmır.

Xəbəri qiymətləndir
Məqalənin müəllifiAysel İsmayılova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →