Gürcüstan Daxili İşlər Nazirliyinin məlumatına görə, Kvemo Kartli Polis Departamentinin Marneuli Rayon Polis İdarəsinin əməkdaşları azadlığın qanunsuz məhdudlaşdırılması ittihamı ilə 2004-cü il təvəllüdlü N.A. və 2000-ci il təvəllüdlü S.B.-ni saxlayıblar.
InterPress.ge xəbər verir ki, bu barədə Daxili İşlər Nazirliyi məlumat yayıb.
Nazirliyin açıqlamasında bildirilir ki, istintaqla müəyyən olunub: Marneuli bələdiyyəsinin kəndlərindən birində N.A. evlənmək məqsədilə 2006-cı il təvəllüdlü U.K.-nin azadlığını qanunsuz olaraq məhdudlaşdırıb.
Məlumata əsasən, qeyd olunan cinayət əməlində hazırda təqsirləndirilən şəxs qismində saxlanılan S.B. də iştirak edib. Hüquq-mühafizə orqanları tərəfindən aparılan operativ-istintaq tədbirləri nəticəsində hər iki şəxs cinayəti törətdikdən qısa müddət sonra, “isti izlərlə” saxlanılıb.
Faktla bağlı istintaq Gürcüstan Cinayət Məcəlləsinin 143-cü maddəsi ilə aparılır. Həmin maddə 4 ilədək azadlıqdan məhrumetmə cəzasını nəzərdə tutur.
