—

Elmuraz Məmmədovla əlaqəli daha iki nəfər saxlanıldı

2,610
Elmuraz Məmmədovla əlaqəli daha iki nəfər saxlanıldı
Dinləmək üçün basın

Gürcüstan Daxili İşlər Nazirliyinin məlumatına görə, Qardabani rayon polis şöbəsinin əməkdaşları qəsdən adam öldürməyə cəhd və qanunsuz odlu silah əldə etmə, saxlama və gəzdirmə ittihamı ilə iki nəfəri saxlayıblar.

Gürcüstan Daxili İşlər Nazirliyinin məlumatına görə, Qardabani rayon polis şöbəsinin əməkdaşları qəsdən adam öldürməyə cəhd və qanunsuz odlu silah əldə etmə, saxlama və gəzdirmə ittihamı ilə iki nəfəri saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib. 

İstintaqın gedişinə əsasən, beynəlxalq axtarışda olan kriminal avtoritet Elmuraz Məmmədov Qardabani rayonunda yaşayan fermerə “kriminal aləm” adından 200 000 ABŞ dolları tələb edib və bu məbləği ödəmək üçün üçgünlük müddət verib. Məmmədov fermerə ailə üzvlərinə qarşı fiziki zorakılıq və ölüm təhdidi ilə hədə-qorxu gəlib.

Müddət bitdikdən sonra fermerin oğlu ailəyə məxsus avtomobillə hərəkətdə olarkən, naməlum şəxslər tərəfindən atəşə tutulub, lakin hadisə nəticəsində xəsarət alan olmayıb.

Polis hadisədən dərhal sonra əməliyyat tədbirləri həyata keçirərək cinayəti törədən şəxslərin kimliyini müəyyənləşdirib. Nəticədə 1994-cü il təvəllüdlü T.X. və 2001-ci il təvəllüdlü, əvvəllər məhkum olunmuş N.İ. saxlanılıb. 1985-ci il təvəllüdlü Ş.M. isə axtarışdadır.

Hadisə ilə bağlı istintaq Gürcüstan Cinayət Məcəlləsinin 19-108-ci (qəsdən adam öldürməyə cəhd) və 236-cı (qanunsuz silah əldə etmə və saxlama) maddələri ilə aparılır.

Nazirliyin məlumatına görə, bu cinayətlər üçün 15 ilədək azadlıqdan məhrumetmə cəzası nəzərdə tutulur.

Xəbəri qiymətləndir
Məqalənin müəllifiInterPress

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →