—

Gürcüstanda 2025-ci ilin ilk yarısında cinayət faktlarının sayı azalıb

394
Gürcüstanda 2025-ci ilin ilk yarısında cinayət faktlarının sayı azalıb
Dinləmək üçün basın

2025-ci ilin ilk altı ayında ölkə üzrə qeydə alınan cinayətlərin ümumi sayı ötən ilin eyni dövrü ilə müqayisədə 795 fakt azalıb. Bu isə cinayət səviyyəsində 2,96% azalma deməkdir.

2025-ci ilin ilk altı ayında ölkə üzrə qeydə alınan cinayətlərin ümumi sayı ötən ilin eyni dövrü ilə müqayisədə 795 fakt azalıb. Bu isə cinayət səviyyəsində 2,96% azalma deməkdir.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Nazirliyin məlumatına görə, qeydiyyata alınan cinayətlərin açılma faizi isə artaraq 66,16%-ə çatıb.

2025-ci ilin ilk iki rübündə narkotik vasitələrin qanunsuz dövriyyəsi və yayılmasına qarşı həyata keçirilən hüquqi tədbirlər və DİN-in prinsipial mübarizəsi nəticəsində narkotiklərlə bağlı cinayətlərin sayı əhəmiyyətli dərəcədə artıb. Belə ki, altı ayda hüquq-mühafizə orqanları tərəfindən 3 919 narkotik cinayəti aşkar edilib – bu, ötən ilin analoji dövrü ilə müqayisədə 29% çoxdur. Qanunsuz narkotik satışı ittihamı ilə 263 nəfər məsuliyyətə cəlb edilib ki, bu da ötən ilə nisbətən təxminən iki dəfə çoxdur.

2025-ci ilin ilk yarısında əmlak əleyhinə törədilən cinayətlərin, o cümlədən mənzil oğurluğu, qarət, dələduzluq, hədə-qorxu ilə tələb etmə və mənimsəmə/fırıldaqçılıq hallarının sayı azalıb. Bundan əlavə, ötən ilin eyni dövrü ilə müqayisədə cinsi xarakterli cinayətlər, insan alveri, azyaşlıların alveri, kibercinayətlər (-80 fakt) və vəzifə cinayətləri (-46 fakt) də azalıb.

Bununla yanaşı, 2025-ci ilin ilk iki rübündə qəsdən ağır bədən xəsarətləri və nəqliyyatla bağlı cinayətlərin sayı artıb. Xüsusilə, yol hərəkəti və nəqliyyat vasitələrinin istismarı qaydalarının pozulması hallarının sayı 175 fakt artıb. Buna baxmayaraq, cinayətlərin açılma faizi də yüksəlib.

Nazirliyin açıqlamasında qeyd olunur ki, ölkədə təhlükəsizliyin maksimum təmin olunması məqsədilə DİN-in bütün müvafiq qurumları cinayətkarlığa qarşı 24 saatlıq rejimdə prinsipial mübarizəni davam etdirir.

Xəbəri qiymətləndir
Məqalənin müəllifiAysel İsmayılova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →