—

Şalva Papuaşvili: “Rasa Yukneviçienənin bəyanatları faşist ritorikasının sərhədinə çatıb”

232
Şalva Papuaşvili: “Rasa Yukneviçienənin bəyanatları faşist ritorikasının sərhədinə çatıb”
Dinləmək üçün basın

Gürcüstan Parlamentinin sədri Şalva Papuaşvili Avropa Parlamentinin litvalı üzvü Rasa Yukneviçienənin Gürcüstanla bağlı bəyanatlarına kəskin reaksiya verib.

Gürcüstan Parlamentinin sədri Şalva Papuaşvili Avropa Parlamentinin litvalı üzvü Rasa Yukneviçienənin Gürcüstanla bağlı bəyanatlarına kəskin reaksiya verib.

InterPress.ge xəbər verir ki, o, bu barədə sosial şəbəkədə paylaşım edib.

Papuaşvili  bildirib ki, Yukneviçienənin açıqlamaları “faşist ritorikasının sərhədinə çox yaxınlaşıb”.

“Avropa Parlamentinin litvalı üzvü Rasa Yukneviçienənin bəyanatları artıq faşist ritorikasının sərhədinə yaxınlaşıb. “Xalq günahkardır…”, “İnfeksiyanı dayandırmalıyıq…” Onun təşviq etdiyi radikalların nifrət dilinin inkişafına baxsaq, növbəti dəfə gürcü xalqına “qul” və ya “biomassa” deməlidir… Artıq vaxtdır ki, Brüsseldə sağlam düşüncə özünü göstərsin və demokratiyanı və insan ləyaqətini tanımayan bu utancverici tendensiyanı dayandırsın.

Rasa Yukneviçienəyə isə demək istərdim – Stalinə qarşı nifrət bəsləməklə bütün xalqı nifrət obyektinə çevirmək olmaz,” – yazıb Papuaşvili.

Qeyd edək ki, Avropa Parlamentində Gürcüstan üzrə daimi məruzəçi olan Rasa Yukneviçienə Avropa Xalq Partiyasının tədbirində Gürcüstan hakimiyyətini sərt tənqid etmişdi. O bildirmişdi ki, “Gürcüstan rejimi Kremlin dövləti içəridən ələ keçirməsinin nümunəsidir” və “bu infeksiyanı vaxtında dayandırmasaq, eyni şey Aİ üzvlərinin başına da gələ bilər”.

Xəbəri qiymətləndir
Məqalənin müəllifiAysel İsmayılova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →