—

Azərbaycan Xocalı soyqırımının 33-cü ildönümünü anır

914
Azərbaycan Xocalı soyqırımının 33-cü ildönümünü anır
Dinləmək üçün basın

Bu gün Xocalı soyqırımından 33 il ötür.

Bu gün Xocalı soyqırımından 33 il ötür.

InterPress.ge xəbər verir ki, 1992-ci il fevralın 25-dən 26-na keçən gecə erməni silahlı qüvvələri keçmiş SSRİ ordusunun 366-cı motoatıcı alayının dəstəyi ilə Xocalıya hücum edərək dinc əhaliyə qarşı dəhşətli qırğın törədib. Nəticədə 613 nəfər, o cümlədən qadınlar, uşaqlar və yaşlılar amansızcasına qətlə yetirilib, 1 275 sakin əsir götürülüb, 150 nəfərin taleyi isə hələ də məlum deyil.

1994-cü ildə Azərbaycan Milli Məclisi 26 fevral tarixini "Xocalı Soyqırımı Günü" elan edib. Heydər Əliyev Fondunun təşəbbüsü ilə faciə barədə həqiqətlərin dünyaya çatdırılması istiqamətində geniş fəaliyyət aparılır, 2008-ci ildən isə "Xocalıya ədalət!" beynəlxalq kampaniyası həyata keçirilir. Artıq bir sıra ölkələr bu soyqırımı rəsmən tanıyıb.

Azərbaycan xalqı Xocalı faciəsini artıq işğaldan azad olunmuş torpaqlarda yad edir. 2020-ci ildə baş verən 44 günlük Vətən müharibəsi və 2023-cü ilin sentyabrında keçirilən antiterror əməliyyatı nəticəsində Xocalı rayonu da daxil olmaqla bütün torpaqlar azad edilib. 2023-cü il oktyabrın 15-də Xocalıda Azərbaycan Bayrağı dalğalanıb.

Hazırda Xocalıda genişmiqyaslı bərpa işləri aparılır. 2024-cü ilin mayından etibarən sakinlərin doğma yurdlarına qayıdışı başlanıb. Prezident İlham Əliyevin sərəncamı ilə Xocalı Soyqırımı Memorial Kompleksi yaradılacaq.

Xəbəri qiymətləndir
Məqalənin müəllifiInterPress

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →