—

ÜST: Sentyabrda COVID-19-a yoluxma sayı hamı üçün həyəcan siqnalı olmalıdır

634
ÜST: Sentyabrda COVID-19-a yoluxma sayı hamı üçün həyəcan siqnalı olmalıdır
Dinləmək üçün basın

“Sentyabr ayında yeni növ koronavirus infeksiyasına (COVID-19) yoluxma sayı ilə bağlı qeydə alınan rəqəmlər bizim hamımız üçün həyəcan siqnalı olmalıdır”.

“Sentyabr ayında yeni növ koronavirus infeksiyasına (COVID-19) yoluxma sayı ilə bağlı qeydə alınan rəqəmlər bizim hamımız üçün həyəcan siqnalı olmalıdır”.

İnterPress - in xəbərinə görə, bunu Ümumdünya Səhiyyə Təşkilatının (ÜST) Avropa üzrə regional direktoru Hans Kluqe virtual formatda keçirilən mətbuat brifinqində deyib.

“Bu rəqəmlər testlərin daha əhatəli aparıldığını əks etdirsə də, regionda virusun yayılma sürətinin həyəcanverici olduğunu göstərir”, - deyə o bildirib.

ÜST-ün Avropa üzrə ofisinin fövqəladə vəziyyətlə bağlı səlahiyyətli şəxsi Ketrin Smolvud isə deyib ki, koronavirusla bağlı 14 günlük karantin müddəti dəyişdirilməyəcək: “14 günlük karantin tövsiyəmiz xəstəliyin inkubasiya dövrü və ötürülməsi ilə bağlı araşdırmalarımızın nəticələrinə əsaslanır. Bu, yalnız araşdırma nəticələrində hər hansı dəyişiklik olarsa, o zaman yenidən nəzərdən keçirilə bilər”.

H. Kluqe isə vurğulayıb ki, karantin anlayışı qorunmalıdır və ona əsassız dəyişikliklər tətbiq olunmamalıdır.

Qeyd edək ki, Fransada karantin müddəti 7 günə, Böyük Britaniya və İrlandiyada isə 10 günə endirilib. Xorvatiya və Portuqaliya da daxil olmaqla, bəzi Avropa ölkələri bu rəqəmi azaltmağı nəzərdən keçirir.

Xatırladaq ki, Avropa regionunda 53 ölkədə indiyədək təxminən koronavirusa 5 milyondan çox yoluxma halı qeydə alınıb, 227 000 nəfər vəfat edib. ÜST-ün məlumatına görə, hazırda Avropa regionunda gündəlik 40-50 min yoluxma qeydə alınır. Yoluxmanın pik dövrü yaşanan mart və aprel aylarında bu rəqəm 43 000 olub.

Avropada bir gün ərzində rekord yoluxma sayı sentyabrın 11-də qeydə alınıb və bu rəqəm 54 000 olub.

Xəbəri qiymətləndir
Məqalənin müəllifiİsmayıl Abramişvili

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →