—

İrakli Kobaxidze: 26 oktyabr sadəcə seçki deyil, həlledici referendumdur

473
İrakli Kobaxidze: 26 oktyabr sadəcə seçki deyil, həlledici referendumdur
Dinləmək üçün basın

“ Acarıstan və Batumi bizim hamımızın xüsusi sevdiyi bölgə və şəhərdir. Mən şadam ki, bu gün bu ərazi və bu şəhər 12 il əvvəlkindən qat-qat inkişaf edib. Acarıstan və Batuminin daha da gözəl olması və inkişaf etməsi…

“Acarıstan və Batumi bizim hamımızın xüsusi sevdiyi bölgə və şəhərdir. Mən şadam ki, bu gün bu ərazi və bu şəhər 12 il əvvəlkindən qat-qat inkişaf edib. Acarıstan və Batuminin daha da gözəl olması və inkişaf etməsi üçün hər şeyi edəcəyik. Bunun üçün ilk növbədə sülhü qorumaq, ölkəmizin milli maraqlarını möhkəm və şərəflə qorumaq lazımdır”.

InterPress.ge xəbər verir ki, bunu “Gürcü Arzusu”nun seçki qərargahının rəhbəri, baş nazir İrakli Kobaxidze Batumidə seçki kampaniyasının regional tədbirində deyib.

Onun sözlərinə görə, Gürcüstanda referendum əhəmiyyəti olan həlledici seçkilərə iki həftə qalıb.

“Bir daha xatırlamalıyıq ki, bu, sadəcə bir seçki deyil, gürcü xalqının müharibə və ya sülh istədiyi, əxlaqsız təbliğatı və ya ənənəvi dəyərləri dəstəklədiyi, qaranlıq keçmişi, yoxsa Gürcüstanın parlaq, Avropa gələcəyini seçəcəyi bir referandumdur”, - deyə o bildirib.

Onun qeyd etdiyinə görə, “Gürcü Arzusu”nun sülhə, ənənəvi dəyərlərə və Gürcüstanın parlaq gələcəyinə alternativi yoxdur, buna görə də oktyabrın 26-da seçicilər sülhü qoruyacaq və Gürcüstana inkişaf gətirəcək həlledici seçim etməlidirlər.

“2012-ci ilə qədər Gürcüstanı xarici agentlik, vətəndaşlığı olmayan siyasətçilərin avtoritar rejimi idarə edirdi ki, bu da insanların öldürülməsi və işgəncələnməsi, biznes reketliyi, televiziya stansiyalarının oğurlanması, seçkilərin saxtalaşdırılması, müharibə və Gürcüstan ərazilərinin 20 faizinin itirilməsi ilə yadda qaldı. Bu iyrənc cinayətlərlə yanaşı, rejim iqtisadi nailiyyətləri ilə də seçilmədi və 2012-ci ildə onlardan ən ağır mirası “Gürcü Arzusu” aldı”, - deyə İrakli Kobaxidze bildirib.

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →