—

Həyat yoldaşını və iki nəfəri qətlə yetirməkdə şübhəli bilinən şəxs həbs olundu

492
Həyat yoldaşını və iki nəfəri qətlə yetirməkdə şübhəli bilinən şəxs həbs olundu
Dinləmək üçün basın

“ Onlar sağ olsaydılar, indi də öldürərdim” – arvadını və daha iki nəfəri qətlə yetirməkdə təqsirləndirilən Zviad Zurabaşvili məhkəmə prosesi zamanı belə açıqlama verib.

“Onlar sağ olsaydılar, indi də öldürərdim” – arvadını və daha iki nəfəri qətlə yetirməkdə təqsirləndirilən Zviad Zurabaşvili məhkəmə prosesi zamanı belə açıqlama verib.

InterPress.ge xəbər verir ki, Zurabaşvili məhkəmədə hər üç şəxsi öldürdüyünü təsdiqləyib və qətlin motivi kimi qısqanclıq göstərib.

Təqsirləndirilən şəxs məhkəməyə izahatında bildirib ki, həyat yoldaşı ilə mərhumlardan biri arasında əlaqələri barədə məlumatı olub və buna görə də öldürmək qərarına gəlib.

Telavi rayon məhkəməsi prokurorluğun vəsatətini təmin edib və üç dəfə qətl törətməkdə təqsirləndirilən şəxsə həbs cəzası verib.

Təqsirləndirilən şəxsin xəzinə qaydası ilə təyin edilmiş vəkili Giorgi Paradaşvili həbs qətimkan tədbirinin seçilməsi ilə bağlı vəsatət verməyib və qərarı məhkəmənin ixtiyarına verib. Eyni zamanda, vəkil qaçmanın mövcudluğu və ya yenidən cinayət törətmək təhlükəsi ilə bağlı prokurorluğun arqumenti ilə razılaşmayıb. Paradaşvili izah edib ki, himayəsində olan şəxs polisə özü təslim olub.

Qətl avqustun 28-də Qurcaani bələdiyyəsinin Axaşeni kəndində baş verib. 40 yaşlı kişi arvadını və iki nəfəri bir neçə güllə ilə öldürüb.

Həmin şəxs Cinayət Məcəlləsinin 11, 109-cu maddəsi ilə ittiham olunur.

Zviad Zurabaşvili təqsirli bilinərsə, onu 16 ildən 20 ilədək və ya ömürlük həbs cəzası gözləyir. 

Xəbəri qiymətləndir
Məqalənin müəllifiHumay Məmmədova

Son xəbərlər

Poniçalada dağıntılar altından daha bir nəfərin meyiti çıxarılıbTbilisidəki faciə ilə bağlı ilk başsağlığı Azərbaycandan gəldi – Azərbaycan XİN başsağlığı verirPoniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarSon xəbərlərə bax →